Եվա Մենդեսը տվել է առաջին հարցազրույցը այս տարվա սեպտեմբերին իր և Ռայան Հոսլինգի դստեր՝ Էսմերալդա Ամադայի ծնվելուց հետո: Եվան դարձել է Violet Grey առցանց ամսագրի հերոսուհին, հայտնում է spletnik.ru-ն:
Նկարահանումն անցկացվել է հոլիվուդյան հայտնի TCL Chinese Theater-ում, որտեղ 80-ական թթ. աշխատել է ապագա աստղի մայրը: Եվան հիշում է. «Մենք այն ժամանակ ապրում էինք փոքր տանը և թատրոն էինք գնում ավտոբուսով Los Feliz բուլվարով: Ես նայում էի այդ փողոցի շքեղ առանձնատներին և երազում ապրել դրանցից մեկում: Հիմա ես ապրում եմ այդ թաղամասից ընդամենը մի քանի թաղամաս այն կողմ: Կարծում եմ՝ մեր երազանքները և հավակնությունները ծնվում են վաղ տարիքում:
Մայրության մասին Եվան ասել է. «Ես կարծում էի՝ իմ բոլոր խենթ գիշերներն արդեն անցյալում են: Բայց ոչ, խենթ գիշերները նոր սկսվել են երեխայի ծնվելու հետ»:
Միաժամանակ, դերասանուհու խոսքով, ինքը գլուխ է հանում, նույնիսկ առանց դայակների ծառայությունների. «Մենք դայակ չունենք, բայց ես ապագայում այդ գաղափարին դեմ չեմ: Էսմերալդան 2 հրաշալի տատիկ և անհավանական հորաքույրներ ու մորաքույրներ ունի, որոնք գալիս են ինձ օգնելու: Բայց ինձ համար մայրության ամենաբարդ մասը գոնե մի քիչ քնելու համար պայքարն է: Եվ ես միշտ չէ, որ գիտեմ՝ արդյոք ամեն ինչ ճի՞շտ եմ անում. նման դեպքերում էլ հենց զանգում եմ տատիկներին:
Հարցին ի պատասխան, թե ինչպես էր իրեն հաջողվում այդքան երկար պապարացիներից թաքցնել իր հղիությունը, Եվան ասել է. «Ուզում ենք մենք դա, թե ոչ՝ Էսմերալդայի համար դժվար կլինի իր կյանքի նկատամբ ուշադրություն չգրավելը: Չեմ կարծում, որ դա արդարացի է, բայց այդպիսին է իրականությունը: Ուստի մենք Ռայանի հետ որոշեցինք նրա համար հնարավորինս շատ գաղտնիություն ապահովել, և առաջին քայլն այն էր, որ մենք չգովազդեցինք իմ հղիությունը: Բացի դրանից՝ դա շատ անձնական է: Ուստի ես չէի ուզում, որ մամուլը հետևեր իմ փորիկի մեծանալուն, ինձ դա իսկական սթրես է թվում: Ուստի ես ինձ պաշտպանեցի դրանից»:
40-ամյա դերասանուհին նաև պատմել է, թե ինչպես է «առաջին օգնություն» ցուցաբերում հոգնած մաշկին. «Ես օգտագործում եմ այն, ինչ գտնում եմ իմ խոհանոցում: Կոկոսի յուղն օգտագործում եմ որպես խոնավացնող քսուք, յոգուրտը խառնում եմ աղին՝ դրանից սկրաբ ստանալու համար: Եթե ես պետք է հանրության առջև երևամ, իսկ ես հոգնած ու այտուցված տեսք ունեմ (հիմա այդպես հաճախ է լինում), դեմքս ընկղմում եմ սառույցով դույլի մեջ: Ես մի անգամ աշխատել եմ դիմահարդարի հետ, որն աշխատել է Լյուսիլ Բոլլի հետ, նա ասաց, որ նախկինում դերասանուհիներն այդպես են արել»:
Կադրեր ֆոտոշարքի հետնաբեմից
