Հարգելի Րաֆֆի,
Մենք, Հայաստանի Հանրապետության քաղաքացիներս` մտավորականներս, հասարակական գործիչներս, բարձր ենք գնահատում Ձեր «Ծոմ Ազատության» խորհրդանշական անվանմամբ հացադուլը, որը Հայաստանի ապագայով մտահոգ մեկ քաղաքացու կողմից հնչեցված ահազանգ էր ամբողջ հայությանը երկրում ստեղծված արտակարգ իրավիճակի կապակցությամբ:
Մենք հիացած ենք Ձեր կամքով ու խիզախությամբ, ցուցաբերած տոկունությամբ եւ վճռականությամբ: Ինքնազրկումի գործողությունները, ցավոք խորթ են հայաստանյան քաղաքական վերնախավին, որն էլ պատճառներից մեկն է այդ` իշխանական թե ընդդիմադիր վերնախավի հանդեպ ժողովրդի գերակշիռ մասի թերահավատության եւ անվստահության:
Այս իմաստով Ձեր օրինակը բացառիկ է եւ, հուսով ենք ճանապարհ կհարթի արժեքային վերաիմաստավորումների եւ վերածնունդի համար:
Ձեր հացադուլով հնչեցված ահազանգը լսելի դարձավ հասարակության ամենալայն խավերի համար եւ լուծեց կարեւորագույն խնդիրներ` շատ բան փոխելով մարդկանց մտքերում եւ սրտերում, զորաշարժի ենթարկեց անգամ անտարբերներին եւ էլ ավելի խանդավառեց ազատության նվիրյալներին: Այն նաեւ հիմք դարձավ նոր գործընթացների համար քաղաքական ասպարեզում:
Արդ, խնդրում եւ հորդորում ենք Ձեզ դադարեցնել հացադուլը, քանի որ Ձեր առողջությանը սպառնացող վտանգը գնալով ուժգնանում է, մինչդեռ Դուք պետք եք մեզ եւ հայ ժողովրդին առողջ եւ եռանդով լի:
«Սուրբ Սանդուխտ» կույսի անվան տիկնանց միություն
ԶԼՄ-ների աջակցության Ինտերնյուս ՀԿ
Ազատ խոսքի պաշտպանության կոմիտե
Ասպարեզ լրագրողների ակումբ
Հելսինկյան քաղաքացիական ասամբլեայի Վանաձորի գրասենյակ
Ընդդեմ իրավական կամայականության
Քաղաքացիական ազգային նախաձեռնություն
«Ուխտ Արարատի» ազգային հայրենասիրական նախաձեռնություն
Փաստաբաններ մարդու իրավունքների համար
Հայաստանի կանաչների միություն
Էկոդար
Ազատ Հայք ՀԿ
Հայաստանի սպառողների ասոցիացիա
Սոս Արգիճի նախաձեռնող խումբ
«Հայազն երիտասարդների միաբանության» ՀԿ-ի քաղաքական խումբ
Պետական կարիքների զոհեր ՀԿ
Սեփական իրավունքի պաշտպանություն ՀԿ
Մենք+ սոցիալական ՀԿ
«Կրթության ասպարեզ» ՀԿ
Զարթոնք 89
Արմեն Հովհաննիսյան, Մենք դեմ ենք օտարալեզու դպրոցներին նախաձեռնության անդամ
Լևոն Աբրահամյան, Գիտությունների ազգային ակադեմիայի թղթակից անդամ
Գրետա Աբրահամյան, խմբագիր
Գայանե Շագոյան, ազգագրագետ
Դոկտոր Ժիրայր Քոչարյան, Բեռլին
Սահակ Շիրոյան, ակտիվ քաղաքացի
