Ամանորյա արձակուրդը, որպես կանոն, ուրախության ու տոնի շրջան է: Սակայն սոցիալական ու ընտանեկան պարտականությունների ծանրությունը կարող է լարվածություն առաջացնել նույնիսկ ամենաերջանիկ զույգերի միջև: Տարվա ընթացքում փողի հետ կապված անհամաձայնություններն ամենատարածվածն են զույգերի շրջանում: Սակայն Ամերիկյան Որակավորված հաշվապահների հանրային ինստիտուտի՝ վերջերս կատարած հետազոտության տվյալներով՝ Նոր տարում դրանց ավելանում են այլ խնդիրներ ևս:
Վեճ 1. Նոր տարուն ծնողներին այցելելու համար ուրիշ քաղաք գնալը չափազանց թանկ հաճույք է: Կողակցի հետ այս խնդիրն ունենալուց խուսափելու համար պետք է նախօրոք քննարկել սա: Գուցե լավ կլինի՝ տարվա ընթացքում գումար կուտակել կամ ցանկացած այլ ժամանակ ծրագրել գնալը, հայտնում է raut.ru-ն:
Վեճ 2. Երեխաների, ընկերների ու գործընկերների համար նվերներ գնելը: Մարդիկ տարբեր են, նվերներ տալու ավանդույթի նկատմամբ վերաբերմունքը ևս կարող է տարբեր լինել: Ցանկալի է նվերների ցուցակը ևս նախօրոք կազմել:
Վեճ 3. Գնումներ անելուց առաջ խորհրդակցել: Ըստ էության՝ սա տեղի է ունենում այն մարդկանց մոտ, որոնք չեն հետևում նախորդ կանոնին:
Վեճ 4. Երեկույթներ: Չնախատեսված ծախսերը սթրեսի հիմք են: Երեկույթների, նվերների, հագուստների վրա ծախսերն անդրադառնում են ընտանեկան բյուջեի վրա: Գուցե լավ կլինի՝ մեկ ընդհանուր երեկո կազմակերպել բոլոր ընկերների համար՝ այդ կերպ լրացուցիչ ծախսերից խուսափելու համար:
