Ադրբեջանը Պակիստանից ձեռք է բերել միջին ու կարճ հեռահարության ժամանակակից բալիստիկ հրթիռներ, ինչպես նաև իսրայելական արտադրության համանման հրթիռներ՝ հաղորդում են պակիստանյան լրատվամիջոցները:
Համաձայն նույն աղբյուրի՝ դրա վերաբերյալ բանակցությունները սկսվել են մայիսին ու ավարտվել օգոստոսին:
Israel Military Industries (IMI) հրթիռներն ունեն 306 մմ տրամաչափ, 3.97 մ երկարություն, մեկնարկային կշիռը՝ 450 կգ, իսկ մարտական մասի քաշը՝ 125 կգ:
Պակիստանյան «Շահին-1» հրթիռը ի վիճակի է խոցել 750 կմ հեռահարության վրա գտնվող թիրախը, «Խատֆ»-ը «Շահին-1» հրթիռի կատարելագործված տեսակն է՝ մեծ հեռահարությամբ:
«Շահին-1 Ա» կատարելագործված հրթիռի հեռահարությունը ( «Խատֆ-4») կազմում է մոտ 3000 կմ:
Pakistani defence կայքի հաղորդմամբ՝ այդ հրթիռներն ունեն մեծ ճշգրտություն ու անխոցելի են ՀՀՊ-ների համար:
Դրանք նախատեսված են ռազմավարական օբյեկտներ, հրամանատարական կետեր ու ենթակառուցվածքներ ոչնչացնելու համար:
Միևնույն ժամանակ թուրքական Hurriyet թերթը հայտնել է, որ Ադրբեջանը գնել է իսրայելակայն արտադրության միջին հեռահարության EXTRA հրթիռներ (130 կմ) ու գործողությունների հեռահար շառավղով (2000 կմ) պակիստանյան արտադրության հրթիռներ:
Բացի այդ՝ իսրայելական ԶԼՄ-ները հայտնել են Ադրբեջանի կողմից Spyder ՀՀՊ-ի ձեռք բերման մասին, որը նախատեսված է միջին ու փոքր հեռահարության հրթիռներ ու հակառակորդի ավիացիան որսալու համար:
