Կալիֆոռնիայի Բերքլի համալսարանի տարածքում ուսանողուհի կա, որը կարող է վնասել հաստատության համբավին: Նադյա Չոն ճանաչվել է՝ համալսարանի ներսում սեքսով զբաղվելու լավագույն վայրերի մասին համալսարանական թերթում սյունյակ վարելով, նրա հետազոտությանն ուշադրություն են դարձրել նույնիսկ օվկիանոսից այն կողմ ապրողները։ Այս մասին նշում է NEWSru Israel-ը:
The Daily Californian թերթում Sex on Tuesday սյունյակը Նադյան վարում է մոտ 3 ամիս և չի կարելի ասել, որ նրա նախորդ հոդվածները պակաս հետաքրքիր են եղել, քան վերջինը` ամբողջ համալսարանով մեկ սեքս-մարաթոնի մասին: Ավելի վաղ աղջիկը գրել էր իր սիրելի աղջկա հետ սեքսի մասին, իսկ վերջին հոդվածում նրա զուգընկերը տղամարդ է եղել:
Իր սեքսուալ կյանքը բազմազան դարձնելու միտքը Նադյան հղացել է, երբ Գոհաբանության օրվա նախօրեին նկատել է, որ իր համալսարանը «հիանալիորեն դատարկ է», գրում է նա The Daily Californian-ում: Այս ժամանակ նա իր ընկերոջ հետ գնացել է գրադարան:
Գրադարանում քիչ մարդ է եղել, նրանք էլ ընտրել են կրոնական թեմաներով գրքերին կից հատվածը, սակայն հետո ստիպված են եղել արագորեն հագնվել, քանի որ շրջակայքում մարդիկ են երևացել: Հետո նրանք գնացել են լսարան, որտեղ նա ստիպված է եղել նստել ժամերով, իսկ հեռախոսն ազդանշան չի ունեցել:
Սեքս-ուղևորության հաջորդ կանգառը եղել է մեկ այլ շենքի լսարանը:
«Ներողություն եմ խնդրում, որ ես ընդհանրապես վատ չեմ զգում նրա համար, որ սեքսով եմ զբաղվել ամենուր՝ համալսարանի տարածքում»,- գրել է Նադյա Չոն՝ Twitter-ի իր էջում:
Դժվար է ասել՝ ինչին կնվիրի Նադյան իր հետագա գրառումները:
