Տասնամյա Րաֆֆին, ով ռոքնռոլի արքա Էլվիս Փրեսլիի Blue Suede Shoes-ի փայլուն կատարմամբ հիացրել է Ֆրանսիայի X Factor երաժշտական նախագծի հանդիսատեսին և ժյուրիի անդամներին, այս տարվա մայիսին զարմացրել է նաև երևանյան հանդիսականին:
YouTube-ում Րաֆֆիի մասնակցությամբ Raffi-Incroyable Talent 2012 խորագրով տեսանյութը դիտել են արդեն 50 հազարից ավելի մարդ:
Րաֆֆին մայիսին Երևան էր ժամանել «Մոդ իվենթս» հայ-ֆրանսիական ընկերության հրավերով իր հայրիկի՝ Վարդանի հետ, և հյուրընկալվել «Վիտամին» ակումբում՝ իր կատարումներով հիացական վերաբերմունքի արժանանալով:
Ի դեպ, տղան Երևանում իր կատարումներով հանդես էր եկել նաև ֆրանսահայ հայտնի երգիչ Պատրիկ Ֆիորիի հետ՝ երգչի համերգային ծրագրի առաջին մասում: Վերջինս, լսելով Րաֆֆիի կատարումները, զարմացել էր ու «երաժշտական մեծ ապագա» կանխատեսել:
«Վիտամին» ակումբում իր խոսքում տղայի հայրը խոստովանել է, որ Րաֆֆին երաժշտական կրթություն չունի, տանն է պարապել, ու իրենք էլ չգիտեն՝ որտեղից տղային երաժշտական այդ ունակությունները:
«Ինքն իրեն սորված է»,- խոստովանել էր հուզված ու երջանիկ հայրը:
