ԳԱԱ նախագահ Ռադիկ Մարտիրոսյանն այսօր նախագահական նստավայրում ներկա էր նախագահի մրցանակի հանձնման արարողությանը: «Առաջին լրատվական»-ի հետ զրույցում Ռադիկ Մարտիրոսյանը նշեց, որ մի քանի ոլորտներում մրցանակների բացակայությունը տրամաբանական է, քանի որ մրցանակն ամենամյա է, և սպասել, որ ամեն տարի բոլոր ուղղություններով շատ բարձր մակարդակի գործեր կլինեին, սխալ է: Մյուս կողմից էլ, նրա դիտարկմամբ, հնարավոր է՝ մի փոքր պակասել է հետազոտողների, բարձր մակարդակի արդյունքներ ստացողների թիվը:
«Բնական եմ համարում, որ որոշ ուղղություններով մրցանակ չստացան: Իհարկե, հիմնականում երիտասարդներն են ստացել, և դա լավ է՝ երիտասարդները պետք է առաջ գնան: Մրցանակի մակարդակի գործ անելը նշանակում է, որ հասուն արվեստագետներ և գիտնականներ են»,- նշեց նա:
Իսկ այն, որ շատերը վերադարձնում են իրենց մրցանակները՝ Սիլվա Կապուտիկյան, Լևոն Խեչոյան, գիտության ասպարեզում՝ Հարություն Կարապետյանը, Ռադիկ Մարտիրոսյանը չհամաձայնեց. «Այդպիսի բան չկա: Սիլվա Կապուտիկյանին այստեղ չէի հաշվի, բայց կան մարդիկ, որ այդպիսի քայլ անում են, եղել է գիտնականների շրջանում մեկը իբր մի գիտնական, որին ես չեմ համարում գիտնական, ավելի շուտ՝ նրա քայլը դրդված է քաղաքական մոտիվներով: Վերջին հաշվով՝ սա քաղաքականացված միջոցառում չէ, այլ գիտական արդյունքների գնահատական. եթե տվել են, ուրեմն արժանի է, վերադարձնելով ինչ են ուզում ապացուցել՝ հայտնի չէ»,- հավելեց ԳԱԱ նախագահը:
Ավելին՝ տեսանյութում:
