Չեմպիոնների լիգայի գավաթի խաղարկության «Ռեալ» – «Ատլետիկո» եզրափակիչ հանդիպման նախօրեին «Ատլետիկո»-ի գլխավոր մարզիչ Դիեգո Սիմեոնեն պատասխանել է լրագրողների հարցերին.
«Ինձ ծանրաբեռնված չեմ զգում, ինչպես շատերը կարծում են. բայց ես իմ ուսերի վրա մեծ պատասխանատվություն եմ զգում,- Սիմեոնեի խոսքերն է փոխանցում ՈւԵՖԱ-ի պաշտոնական կայքը: -Այն ամենը, ինչը ինձ հիմա անհանգստացնում է, խաղն է: Պետք է ամբողջությամբ կենտրոնանամ խաղի վրա և արհամարհեմ մնացածը: Խաղին ներկա կլինեն ինձ ծանոթ շատ մարդիկ: Սա լրջագույն դիմակայությունն է:
Դիեգո Կոստայի և վնասվածք ունեցող մյուս ֆուտբոլիստների բուժզննումը նախատեսված է այսօր: Երեկ՝ մարզման ժամանակ, նրանք լավ տեսք ունեին, բայց մենք դեռ կտեսնենք, թե ինչպես իրենց կզգան ֆուտբոլիստները:
Կոստան և Թուրանը կարևոր խաղացողներ են, բայց միևնույն ժամանակ դրանք ընդամենը աննուններ են: Մենք չգիտենք, թե ինչպես կգործի «Ռեալ»-ը, բայց փորձարկել ենք մի քանի տարբերակներ և կփորձեք թույլ չտալ մրցակցին կառավարել խաղի ընթացքը:
Մենք հավաքված և գրագետ կառուցված թիմ ենք, որը կարողանում է ճիշտ արձագանքել առանձին իրավիճակներում, որոնք ստեղծվում են խաղի ժամանակ: Հենց դրա համար ենք մենք այստեղ: Դուք կարող եք առավելություն ունենալ՝ գնդակին տիրելով, կարող եք առավելություն ունենալ՝ օգտագործելով հակագրոհները: Դուք կարող եք վերլուծել խաղը, ինչպես որ ցանկանաք: Վերջին օրինակում չկա ճշմարտություն: Հենց սրանով է ֆուտբոլը պաշտելի»:
Հիշեցնենք, որ Չեմպիոնների լիգայի գավաթի խաղարկության «Ռեալ» – «Ատլետիկո» եզրափակիչ հանդիպումը կկայանա վաղը Լիսաբոնի «Դա Լուժ» մարզադաշտում և կմեկնարկի Երևանի ժամանակով 22:45-ին:
