Հունաստանում դատարանը հանել է անձնական տեղեկատվության մասին օրենքի խախտման մեղադրանքը լրագրող Կոստաս Վակսիևանիսի վրայից, ով հոկտեմբերի 27-ին հրապարակել էր HSBC բանկում ներդրումներ ունեցող իր հայրենակիցների անունների ցանկը: Այդ մասին տեղեկացնում է Reuters-ը:
Լրագրողի ցուցակում եղել են ավելի քան 2000 հույների անուններ, ովքեր 2007թ. տվյալների համաձայն՝ ներդրումներ են ունեցել բանկի շվեյցարական մասնաճյուղում: Այդ մարդկանց թվին են պատկանել նաև հունական խորհրդարանի խոսնակը, քաղաքական գործիչներ, գործարարներ, բժիշկներ, ֆինանսների նախարարության աշխատակիցներ, ճարտարապետներ: Հրատարակությունում չի նշվել գումարի հստակ չափը, սակայն նշվել է, որ ոմանց հաշվեհամարին եղել է ավելի քան 500 միլիոն եվրո:
Hot Doc ամսագրի խմբագրի ձերբակալությունը առաջ էր բերել ինչպես միջազգային հանրության, այնպես էլ հույների դժգոհությունը:
Պաշտպանվելով՝ լրագրողը քաղաքական գործիչներին մեղադրել է ճշմարտությունը թաքցնելու մեջ և հայտարարել է, որ իր դեմ սկսված գործընթացը քաղաքական ենթատեքստ ունի:
