«Լիվերպուլ»-ի հարձակվող Լուիս Սուարեսը հասկացնել է տվել, որ երջանիկ է իր ներկայիս ակումբում, ինչպես նաև խոսել է Անգլիայի Պրեմիեր լիգայի ընթացիկ առաջնությունում ծավալված չեմպիոնական մրցավազքի մասին:
Հիշեցնենք, որ ուրուգվայցի 27-ամյա ֆուտբոլիստը նախորդ ամռանը կարող էր հեռանալ «կարմիրներ»-ի ճամբարից, իսկ դեկտեմբերին ստորագրեց նոր երկարաժամկետ պայմանագիր:
«Ես շատ երջանիկ եմ այստեղ: Իմ ընտանիքը նույնպես երջանիկ է: Մի անհանգստացեք, ես չեմ հեռանա «Լիվերպուլ»-ից: Եթե մենք կարողանանք չեմպիոն հռչակվել ու մրցանակը բերենք տուն, ապա դա պարզապես անհավատալի կլինի: Դա կլինի երազանքի իրականացում: Մենք հուսով ենք, որ «Մանչեսթեր Սիթի»-ն մի քանի միավորներ կկորցնի: Իսկ մենք պետք է հաղթենք հաջորդ երկու խաղերում, և դա հեշտ չի լինելու»,- Սուարեսի խոսքերը մեջբերում է միջազգային մամուլը:
