Սմոլենսկի մոտ Լեհաստանի նախագահ Լեխ Կաչինսկու Ту-154 օդանավի վթարի գործով վկային կախված են գտել Վարշավայից ոչ հեռու գտնվող իր տանը: Այս մասին հայտնում են լեհական ԶԼՄ-ները՝ հղում անելով Վարշավային շրջանային դատախազության պաշտոնական ներկայացուցչին:
Як-40 օդանավի 42-ամյա բորտինժեներ Ռեմիգիուշ Մուսի մարմինը տան նկուղում հայտնաբերել էր նրա կինը հոկտեմբերի 27-ին երեկոյան: Դատախազության ներկայացուցչի խոսքով՝մահվան հանգամանքները ինքնասպանություն են մատնանշում: Սպասվում է, որ դիահերձման մասին որոշում կընդունվի նոյեմբերի 29-ին:
Մուսը եղել է Як-40 օդանավում, որը Սմոլենսկում վայրէջք էր կատարել նախագահական օդանավի վթարից քիչ առաջ: Նա հաստատում էր, որ լսել է օդանավավակայանի կարգավարների և Ту-154 անձնակազմի խոսակցությունները: Համաձայն նրա վկայության՝ Ту-154-ի օդաչուին թույլ են տվել իջնել 50 մետր բարձրության վայրէջքի մասին որոշում ընդունելու համար, մինչդեռ ապակոդավորված սղագրությունում խոսք էր գնում 100 մետրի մասին:
Լեհաստանի նախագահի օդանավը կործանվել է 2010 թվականի ապրիլի 10-ին: Վթարի հետևանքով զոհվել էին օդնավում գտնված բոլոր 96 մարդիկ:
Ռուսական իշխանությունների անցկացրած հետաքննության արդյունքներով՝ վթարի պատասխանատվությունը դրվել է օդաչուների վրա, որոնք վայրէջք են կատարել եղանակային դժվարին պայմաններում: Լեհաստանի իշխանությունները, իրենց հերթին, որպես վթարի պատճառ են դիտարկել օդանավակայանի ծառայողների կողմից ոչ ճիշտ կարգադրությունները:
