Քրդական Fırat լրատվական գործակալության փոխանցմամբ՝ այսօր թուրքական բանտերում 776 քուրդ բանտարկյալների հայտարարած հացադուլի 44-րդ օրն է: Անժամկետ հացադուլը մեկնարկել է սեպտեմբերի 12-ին: Հացադուլավորները հրաժարվում են սննդից, սակայն թեյ են խմում և վիտամիններ են ընդունում:
Նրանցից 20-ի վիճակը գնահատվում է ճգնաժամային: Նրանք անհապաղ բուժօգնության կարիք են զգում, սակայն բանտերի վարչակազմը դա թույլ չի տալիս և նրանց տեղափոխել է միանձնյա խցեր: Հացադուլավորները պահանջում են թույլ տալ հասարակական վայրերում քրդերենի օգտագործումը և մեղադրյալ քրդերի՝ այդ լեզվով պաշտպանվելու իրավունքը:
Բացի այդ, նրանք հանդես են գալիս իրենց առաջնորդ Աբդուլլահ Օջալանի մեկուսացման դադարեցման դեմ, որը ցմահ ազատազրկում է կրում թուրքական բանտում: Հացադուլավորներից մեկը հայտարարել է, որ կա՛մ իրենք հասնելու են իրենց ուզածին, կա՛մ էլ մահանալու են բանտում, սակայն չեն դադարեցնի ակցիան:
