Մադրիդի «Ռեալ»-ի գլխավոր մարզիչ Ժոզե Մոուրինյոյի օգնական Աիտոր Կարանկան վերլուծել է «Ռեալ Մադրիդ» – «Սելտա» դիմակայությունը, որը տեղի էր ունենում Իսպանիայի առաջնության 8-րդ տուրի շրջանակներում:
Հիշեցնենք, որ «արքայական ակումբ»-ին հաջողվեց երկու անպատասխան գոլ խփել ու ձևակերպել հանդիպման հաղթական արդյունքը:
«Ես պետք է նշեմ, որ մեր թիմի պաշտպանությունը շատ լավ գործեց: Երբ վարձակալում էինք Մայքլ Էսյենի տրանսֆերը, հստակ գիտեինք, որ նա կարող է խաղալ տարբեր դիրքերում:
Ինչ վերաբերում է այն հարցին, թե ինչու էին հիմնական կազմ դուրս եկել Կական, Մոդրիչն ու Օզիլը միանգամից, ապա ասեմ, որ նրանց խաղադաշտ դուրս բերելով՝ մեր թիմն ավելի լավ էր վերահսկում գնդակի տեղաշարժը:
Առաջին խաղակեսում մենք չկարողացանք անհրաժեշտ ռիթմը տալ խաղին, չնայած դա անհրաժեշտ էր մեզ: Ընդհանուր առմամբ մենք գոհ ենք, քանի որ հավասարակշռված թիմ ունենք»,- իսպանական մամուլի փոխանցմամբ՝ ասել է Կարանկան:
