Գիտնականները փոխադարձ կապ են հայտնաբերել օրգանիզմում ցածր մակարդակով պարունակվող վիտամին С-ի, բետա-կարոտինի և տկարամտության միջև: Հետազոտության արդյունքները ցույց են տալիս, որ այդ հիվանդության ախտանշանների դեմ պայքարում կարող են օգնել հակաօքսիդանտները, որոնք պարունակվում են մրգերում և բանջարեղենում, ինչպիսիք են սպանախը, գազարն ու ծիրանը: Այս մասին հայտնում է Rosbalt.ru-ն:
Ուլմի համալսարանի գերմանացի գիտնականները ուսումնասիրել են տարբերությունները Ալցհեյմերի հիվանդության թեթև աստիճանում գտնվող 74 և 158 առողջ մարդկանց միջև: Նրանք նկատել են, որ հակաօքսիդանտների, վիտամին С-ի, բետա-կարոտինի պարունակությունը արյան շիճուկում ավելի ցածր է եղել հիվանդների մոտ, քան վերահսկվող խմբում:
Չնայած գիտնականները նշում են հավելյալ հետազոտության անհրաժեշտությունը, ստացված արդյունքները կարող են որոշակի դեր խաղալ հիվանդության դեմ պայքարում:
