20th Century Fox ընկերությունը Փոլ Մակ-Գիգանին նշանակել է Մերի Շելի «Ֆրանկենշտեյն» վեպի նոր էկրանավորման ռեժիսոր: Այս մասին նշված է The Wrap կայքում:
Ֆիլմի սցենարի հեղինակն է Մաքս Լենդիսը («Ժամանակագրություն»): Ի սկզբանե ժապավենի բեմադրիչը պետք է լիներ Շոն Լևին («Գիշերը թանգարանում», «Կենդանի պողպատ»), սակայն նա հրաժարվեց մասնակցել նախագծին, քանի որ չկարողացավ նախագծի բյուջեն համաձայնեցնել 20th Century Fox-ի հետ:
Առայժմ հայտնի չէ, թե ինչ դերասաններ են ներգրավվելու ֆիլմում:
Ենթադրվում է, որ «Ֆրանկենշտեյնի» նոր կինոտարբերակում շեշտը կդրվի գիտաֆանտաստիկ բաղադրիչի վրա:
1818թ. գրված վեպը բազմիցս է էկրանավորվել:
Փոլ Մակ-Գիգանն ավելի վաղ նկարահանել է «Թթվածնային տուն», «Անզսպություն» ֆիլմերը:
