Հայաստանի ազգային հավաքականի և ուկրաինական «Շախտյոր»-ի ֆուտբոլիստ Հենրիխ Մխիթարյանը խոսել է երեկ տեղի ունեցած՝ «Շախտյոր»-«Կարպատներ» հանդիպման մասին:
«Տրիբունայում այսօր իրոք տոնախմբություն էր: Երբ հաշիվը 0:0 էր, երկրպագուները քաջալերում էին մեզ՝ հանդիպման հաշիվը բացելու: Սակայն մեզ չհաջողվեց, ավելի ճիշտ՝ միայն երկրորդ խաղակեսում: Հուսով եմ՝ երկրպագուները չհիասթափվեցին, երբ սկսեցին սուլել՝ իրենց դժգոհությունն արտահայտելով այն պահի կապակցությամբ, երբ հանդիպման հենց մեկնարկում մեն-մենակ դուրս եկա դարպասապահի առջև ու գոլ չխփեցի: Ես ևս շատ վատ զգացի, որ գոլի հեղինակ չդարձա: Նման պահերը պարտադիր անհրաժեշտ է իրականացնել, քանի որ ամբողջ խաղի ընթացքում դա կարող է քո միակ հնարավորությունը լինել: Լավ է, որ հետո գոլի հեղինակ դարձա, բայց շատ ավելի լավ կլիներ, եթե երկուսը խփեի: Պետք է աշխատել դրան հասնել:
Թիմը չի նշի հաջողությունը, այլ կպատրաստվի «Դինամո»-ի հետ խաղին: Ավելի լավ տոն կլինի «Դինամո»-ի հետ խաղից հետո»,- Championat.com-ի թղթակցի հետ զրույցում ասել է Մխիթարյանը:
