Հուլիսի 24-ին 43 տարեկան դարձած Ջենիֆեր Լոպեսը MTV-ով ներկայացրել է իր նոր տեսահոլովակը՝ ջանք չխնայելով ցնցելու իր երկրպագուներին:
Goin’ In սինգլի (Սքոթ Սփիրի եռաչափ պարային Step Up: Revolution ֆիլմի սաունդթրեքն է) տեսահոլովակում նա «զինված» է տաղանդավոր պարողների բանակով: 4 րոպե տևողությամբ տեսահոլովակում երգչուհին պարային ռիթմից հետ չի մնացել, և ցուցադրել է իր ճկունությունը՝ թափահարելով կոնքերը:
Երգչուհին տեսահոլովակը բացում է պսպղուն քարերով զարդարված իր շուրթերով խատուտիկը փչելով:Տեսահոլովակում կարճատև դերակատարում ունի ռեփեր Flo Rida-ն, որն իր հատվածը կատարում է կանաչ նեոնային սպորտային մեքենայի առջև կանգնած:
Goin’ In ստեղծագործությունն ընդգրկված է երեկ թողարկված «Dance Again… The Greatest Hits» ալբոմում, որում 16 երգ կա:
Նշենք, որ երգչուհին 7 տարվա համատեղ կյանքից հետո 2011-ի հուլիսին ամուսնալուծվել է Մարկ էնթոնիից և նույն թվականին՝ ավելի ուշ, սկսել հանդիպել 25-ամյա Կասպերի հետ: Երկու օր առաջ Նյու-Յորքում՝շքեղ զբոսանավում կազմակերպված խնջույքով նրանք միասին նշեցին երգչուհու ծննդյան օրը:
«Վարդագույն լեդիի» տեսահոլավակն ու լուսանկարները՝ The Daily Mail-ի:
