Աֆղանստանի հյուսիսում Կունդուզ ծայրամասում տեղի ունեցած պայթյունի հետևանքով զոհվել է 4 մարդ: Պայթուցիկ սարքը եղել է ճամփեզրին:
Ինչպես տեղի իշխանություններին հղում անելով հաղորդում է Svoboda ռադիոկայանը, զոհվել են ոստիկանության ստորաբաժանումներից մեկի ղեկավարը, նրա 7-ամյա որդին և երկու թիկնապահները:
Պայթյունի պատասխանատվությունն իրենց վրա են վերցրել թալիբները:
Հիշեցնենք, որ նախօրեին աֆղանական Գոռ ծայրամասում տեղի ունեցած ականի պայթյունի արդյունքում զոհվել էր 7 երեխա: Նրանք ականը գտել էին և սկսել էին ականի վրա քարեր նետել, որից հետո այն պայթել էր:
