Daimler AG գերմանական ավտոմոբիլային կոնցեռնի մաքուր շահույթը 2012-ի առաջին 6 ամիսներին աճել է 2%-ով և կազմել 2,931 մլրդ եվրո: Անցած տարվա նույն ժամանակահատվածում ցուցանիշը եղել է 2,884 մլրդ եվրո: Այս մասին հաղորդում է RBK-ն՝ հղում անելով կոնցեռնի տարածած ֆինանսական հաշվետվությանը:
Հունվար-հունիս ամիսներին ընկերության եկամուտը աճել է 9%-ով՝ հասնելով 55,895 միլիարդ եվրոյի, մինչդեռ անցած տարի այն կազմել է 51,067 միլիարդ եվրո:
Daimler AG-ի մաքուր շահույթը 2012-ի երկրորդ եռամսյակում կրճատվել է 11% -ով՝ կազմելով 1,515 միլիարդ եվրո: 2011-ի նույն ժամանակահատվածում ընկերության մաքուր շահույթը եղել է 1,704 մլրդ եվրո: Կոնցեռնի եկամուտը այս տարվա երկրորդ եռամսյակում աճել է 10% -ով և կազմել 29 միլիարդ դոլար՝ անցած տարվա նույն ժամանակահատվածի 26 միլիարդ դոլարի փոխարեն:
Daimler AG կոնցեռնին են պատկանում Maybach, Mercedes-Benz, Smart, Freightliner, Sterling, Western Star և Setra բրենդները: Խոշոր բաժնետերերն են արաբական ներդրումային Aabar Investments ընկերությունը (9%), Քուվեյթի կառավարությունը (6,9%), Renault/Nissan ֆրանս-ճապոնական դաշինքը (3,1%):
