Գերմանիայի արտգործնախախար Գվիդո Վեստերվելլեն կոչ է անում Սիրիայի նախագահ Բաշար Ասադին փախստականներին մատչում տրամադրել հումանիտար օգնությանը: Այս մասին հայտնում է RIA Novosti-ն:
«Մեր հումանիտար օգնությամբ ցանկանում ենք մեր ավանդն ունենալ այդ սարսափելի կոնֆլիկտում փախստականների ծանր վիճակը թեթևացնելու գործում: Խոսքն այն բանի մասին է, որ հարևան պետություններին աջակցենք ավելի քան 100 հազար փախստականներին ընդունելու գործում: Ես Ասադի ռեժիմին կոչ եմ անում անահապաղ Սիրիայում մատչում տրամադրել բոլոր նրանց, ով ապահովում է հումանիտար օգնություն»,- ասվում է նախարարի հայտարարության մեջ:
Վեստերվելլեի խոսքով`կոնֆլիկտի շրջանում մարդկանց վիճակը լրջորեն վատացել է: Գերմանիան, ԱԳ նախարարի խոսքով, օգնություն է տրամադրում Սիրիայի հարևան պետություններին, որոնք ընդունում են փախստականների:
«Սիրիայից փախստականների հոսքի կտրուկ աճը հարևան երկրներ մեզ լրջագույնս անհանգստացնում է: Մենք Սիրիայի հարևանների հետ պետք է կանխարգելենք հումանիտար աղետը»,- նշված է նախարարի հայտարարության մեջ:
