«Ժառանգություն» կուսակցության անդամ Ստյոպա Սաֆարյանը լրագրողների հետ հանդիպմանը խոսելով Ղարաբաղում կայացած նախագահական ընտրությունների մասին՝ նշեց. «Ղարաբաղում կայանում են ընտրություններ, և ժողովուրդը նախադեպի ուժով պարբերաբար, առանց հետ ու առաջ ընկնելու, կազմակերպում է ընտրություններ, ինչը կարևոր ուղերձ է միջազգային հանրությանը»:
Ինչ վերաբերում է առաջիկա ՏԻՄ ընտրություններին «Ժառանգության» անելիքներին, ապա Ս. Սաֆարյանի խոսքով՝ «Ժառանգությունը» տարբեր համայնքներում ներկայացուցիչներ ունի, որոնց կարող է առաջադրել: Նա նաև հավելեց, որ առաջիկայում «Ժառանգությունը» այս թեմային կանդրադառնա:
Լրագրողների դիտարկմանը` ինչպե՞ս է մեկնաբանում Արմեն Մարտիրոսյանի այն հայտարարությունը, թե Լևոն Տեր-Պետրոսյանը կորցրել է իր խարիզման, և միակ խարիզմատիկ թեկնածուն Րաֆֆի Հովհաննիսյանն է, Ս. Սաֆարյանը արձագանքեց. «Որևէ մեկն իր խարիզման չի կորցրել, ուղղակի ժողովուրդը պարտվողին չի ներում»:
