Yahoo!-ի նոր գլխավոր տնօրեն Մարիսա Մայերը կարող է կորպորացիայում 5 տարում մինչև 100 միլիոն դոլար վաստակել: Այս մասին հաղորդում է Reuters-ը՝ հղում անելով ընկերության պաշտոնական ներկայացուցչին:
Yahoo!-ի նյութերի համաձայն՝ Մայերի բազային աշխատավարձը կլինի տարեկան 1 միլիոն դոլար, սակայն այդ գումարից բացի, նոր գլխավոր տնօրենը կստանա հավելավճարներ՝ երկու միլիարդ դոլարի չափով:
Ըստ Մայերի հետ կնքված պայմանագրի՝ ընկերությունը նախատեսում է պաշտոնավարման ընթացքում նրան 14 միլիոն դոլար տրամադրել որպես փոխհատուցում՝ Google-ից Yahoo! տեղափոխվելու համար: Մայերը նաև կարող է մասնակցել ծրագրի՝ ստանալով Yahoo!-ի բաժնետոմսեր:
Մարիսա Մայերը Yahoo!-ի գլխավոր տնօրեն է նշանակվել հուլիսի 17-ին: Կորպորացիայի նախկին տնօրեն Սքոթ Թոմփսոնը, որը պաշտոնը լքել է այս տարվա մայիսին, պաշտոնավարման 6 ամիսների ընթացքում աշխատել է 27 միլիոն դոլար: Նա ստիպված էր պաշտոնաթող լինել սկանդալի պատճառով՝ կապված իր ինքնակենսագրականում հայտնաբերված սխալի հետ: Պարզվել էր, որ նա չունի համակարգչային տեխնոլոգիաների ոլորտում գիտական աստիճան, ինչպես նշված էր փաստաթղթերում: