Այսօր միջպետական Мир հեռուստառադիոընկերությունը նշում է իր ստեղծման 17-ամյակը: Այս առթիվ հրավիրված մամուլի ասուլիսի ժամանակ Мир-ի ներկայացուցիչները տարբեր երկրներից ներկայացրին ընկերության անցած ուղին և ծրագրերը:
«Այսօր մենք ունենք 56 միլիոն ունկնդիր և հեռուստադիտող ԱՊՀ տարածքում: Համեմատական սանդղակում Мир-ի հայկական մասնաճյուղը բավականին լավ դիրք է գրավում, այն հասանելի է հանրապետության ողջ տարածքի մոտ 50 տոկոսի համար` այս առումով հետևում թողնելով շատ երկրների, այդ թվում՝ Վրաստանին»,- իր խոսքում նշեց ԱՊՀ ներկայացուցիչների կապերը համակարգող Դեֆան Թեոդորովը:
Մասնակիցները հպարտությամբ փաստում են նաև, որ այն քիչ կազմակերպություններից մեկն է, որ իսկապես գործում է ԱՊՀ տարածքում:
