Չինաստանի դատարանը մերժել է հայտնի նկարիչ, այլախոհ Այ Վեյվեյի բողոքարկման դիմումը, որով նա վերաքննիչ դատարանից պահանջել էր վերանայել հարկերից խուսափելու պատճառով իրենից մի քանի միլիոն տուգանք գանձելու որոշումը:
Ինչպես տեղեկացնում է BBC-ն, նկարիչն անձամբ ներկա չի գտնվել դատական լսումներին: Նրան արգելել էին հայտնվել դատարանի շենքում:
15 միլիոն յուանի չափով (2,3 մլն դոլար) տուգանքը գրանցվել է Beijing Fake Cultural Development Ltd ընկերության վրա, որը հիմնադրել է Այ Վեյվեյն, և որի միջոցով վաճառում է իր աշխատանքները:
Այլախոհի կողմնակիցների խոսքով` հարկերի մասին գործը մտացածին է: Անձամբ նկարիչը վստահ է, որ իրեն հետապնդում են քաղաքական համոզմունքների պատճառով: Նկարչի հազարավոր կողմնակիցներ գումար են նվիրաբերել` օգնելու նրան վճարել հարկերը:
