Հուլիսի 18-ին Բուրգասի օդանավակայանում ավտոբուսը պայթեցրած ահաբեկչին կոչել են Մեհդի Ղեզալի (Mehdi Ghezali): Այս մասին հաղորդել է The Times of Israel –ը` վկայակոչելով բուլղարական ԶԼՄ-ներին:
Թերթի տեղեկատվության համաձայն` այս վարկածը դեռևս չի հաստատվել իշխանությունների կողմից:
Թերթի տեղեկատվության համաձայն` Ղեզալին եղել է Շվեդիայի քաղաքացի և ունեցել է ալժիրյան արմատներ: 2002-2004թթ. բանտարկված է եղել ամերիկյան բանտերից մեկում: Բանտի ադմինիստրացիայի որոշմամբ` Ղեզալին արտաքսվել է Շվեդիա, որտեղ նա պետք է անցկացներ բանտարկությունը: Սակայն շվեդական իշխանությունները մեղադրանք չեն ներկայացրել նրա դեմ:
Ենթադրությունն այն մասին, որ մահապարտը կարող է լինել Ղեզալին, հայտնվել է այն բանից հետո, երբ Իսրայել վարչապետ Բենիամին Նեթանիահուն հրապարակավ հայտարարել էր, որ պայթյունի հետևում կանգնած է «Հըզբոլլահը», որին աջակցում է Իրանը:
Հիշեցնենք, որ օդանավակայանի մոտ կայանած ավտոբուսում ահաբեկչությունն իրականացվել է հուլիսի 18-ին: Պայթյունի ժամանակ իսրայելցի զբոսաշրջիկները դուրս էին գալիս ավտոբուսից՝ տեղավորելով իրենց ճամպրուկները: Ահաբեկչության հետևանքով զոհվել է 8, վիրավորվել 37 մարդ:
