«Ժողովուրդ»-ն արդեն տեղեկացրել Էր, որ Երևանի քաղաքապետարանը Նորագավիթ թաղամասին հարող տարածքում 10.0 հա մակերեսով հողամաս Է հատկացրել ֆուտբոլի մարզադաշտ կառուցելու նպատակով:
«Բնակիչները բազմիցս բողոքել են, որ իրենց պտղատու այգիները կանգնած են ոչնչացման վտանգի առջև: Եվ ահա երեկ ՀՖՖ մամլո խոսնակ Արայիկ Մանուկյանը մեզ հայտնեց, որ իրենք հրաժարվել են այնտեղ մարզադաշտ կառուցելու գաղափարից: «Այո՛, հատկացրել Էին, բայց Ռուբեն Հայրապետյանը հրաժարվել է այդ տարածքից, որովհետև այդտեղ կան բազմաթիվ պտղատու ծառեր: Ինչպե՞ս կարող ենք այդ ծառերը կտրել: Անմշակ հողատարածք տրամադրելու դեպքում պատրաստ ենք մարզադաշտ կառուցել»,-նշեց նա:
Իսկ թե ինչու է Երևանի քաղաքապետ Տարոն Մարգարյանն այդպիսի «կույր» որոշում կայացրել՝ մարզադաշտի համար հատկացնելով պտղատու ծառերով հագեցած հողակտոր, այդպես էլ անհասկանալի է մնում»,- հավելում է թերթը:
