Քաղաքագետ Սերգեյ Շաքարյանցի կարծիքով՝ ԼՂՀ-ում անցկացվող անխափան ընտրությունները ավելի ու ավելի են ամրապնդում ԼՂՀ անկախությունը: Այսօր լրագրողների հետ հանդիպմանը նա շեշտեց, որ Ղարաբաղն իրավունք չունի անգամ մի օր մնալ առանց իշխանության.
«Ղարաբաղցին թքած ունի՝ ով է ճանաչում ընտրությունը, ով՝ ոչ: Ընտրությունը միշտ էլ ԼՂՀ-ում եղել է օրինական, և բնակչության կողմից վստահություն վայելող անձն է կառավարել երկիրը»: Նա շեշտեց, որ ոչ մի արտաքին ուժ Արցախում չի նշանակում որևէ մեկին որպես նախագահ՝ դա որոշում է տեղի ժողովուրդը:
Ըստ քաղաքագետի՝ բոլորը հասկանում են, որ ԼՂՀ-ն Ադրբեջանի կազմ վերադարձնել հնարավոր չէ: Դա գիտակցում են նաև Ադրբեջանում: Իսկ միակ պետությունը, որը խանգարում է ԼՂՀ անկախության ճանաչմանը, ԱՄՆ-ն է. «Բանավոր կարելի է ամեն ինչ հայտարարել, իսկ գործերով ԱՄՆ-ը այլ բան է ցույց տալիս»:
Լուսանկարը՝ PanARMENIAN Photo-ի
