Իրաքի կառավարությունը հուլիսի 17-ին ելույթ է ունեցել Սիրիայում ապրող իր քաղաքացիներին ուղղված խորհրդով: Ինչպես հաղորդում է «Ալ-Ջազիրա» հեռուստաալիքը` կապված վերջին բռնությունների հետ, պաշտոնական Բաղդադը հարևան երկիրը շատ վտանգավոր է հայտարարել և համաքաղաքացիներին կոչ է արել` որքան հնարավոր է արագ լքել այն:
Սիրիայում ապրում են Իրանի տասնյակ հազարավոր քաղաքացիներ, որոնք այնտեղ են փախել իրենց հայրենիքից, որտեղ նույնպես անվտանգ չէ: Վերջին տասնամյակների ընթացքում Իրաքը վերապրել է երկու պատերազմ, տնտեսական պատժամիջոցների տարիներ և ահաբեկչության ալիք:
Վերջին շաբաթների ընթացքում իրավիճակը Սիրիայում կտրուկ սրվել է: Երկրի հյուսիսում և արևմուտքում, ինչպես նաև Դամասկոսում վերսկսվել են ակտիվ ռազմական գործողությունները զրահատեխնիկայի, հրետանու և ուղղաթիռների կիրառմամբ:
Աշխարհի երկրների մեծ մասը շատ ամիսներ առաջ իրենց քաղաքացիներին խորհուրդ են տվել հեռանալ Սիրիայից:
