Հունիսի 13-15-ը Թբիլիսիում տեղի է ունեցել Հարավային Կովկասի երեք հանրապետությունների ազատական կուսակցությունների առաջնորդների հանդիպումը:
Ինչպես փոխանցել է Regnum-ը` վկայակոչելով «Հայոց համազգային շարժման» ընդդիմադիր կուսակցության մամլո ծառայությանը, հանդիպմանը մասնակցել են ՀՀՇ (Հայաստան), «Մուսավաթ» (Ադրբեջան) և Հանրապետական (Վրաստան) կուսակցությունների առաջնորդները:
Հանդիպման ընթացքում մասնակիցները քննարկել են 2010թ. հոկտեմբերի 7-ին Պոտսդամում ստորագրած հուշագրի դրույթների իրականացման գործընթացին վերաբերող հարցեր: Քննարկվել են նաև հարցեր` կապված երեք հանրապետություններում տիրող քաղաքական իրավիճակի, տարածաշրջանային համագործակցության, Հայաստանի, Վրաստանի և Ադրբեջանի եվրոպական կառույցների ինտեգրման գործընթացի հետ:
Քննարկումների ընթացքում կողմերը պայմանավորվածություն են ձեռք բերել շարունակելու հանդիպումները ազատական կուսակցությունների միջև:
Նախատեսվում է 2012թ. անցակցնել ևս մի քանի նմանատիպ միջոցառումներ:
Հայկական կողմից հանդպմանը ներկա են եղել ՀՀՇ խորհրդի նախագահ Արամ Մանուկյանը, նրա տեղակալ Սամվել Աբրահամյանը և ՀԱԿ ներկայացուցիչ Վահագն Խաչատրյանը:
