Անհայտ, զինված տղամարդը հուլիսի 15-ին փորձել է ներխուժել Ելիսեյան պալատ: Այս մասին հուլիսի 16-ին գրել է Le Point-ը: Հանցագործը ձերբակալվել է նախագահական նստավայրի դարպասների մոտ: Տղամարդը ձեռքում բռնել է հրացան, որը, պարզվել է, որ իսկական չէ: Հանցագործի մոտ կեղծ փաստաթղթեր են հայտնաբերել:
Ձերբակալվածի տարիքը 30-ից մի փոքր բարձր է: Նրա անունը չի հաղորդվում: Իր դրդապատճառների մասին տղամարդը չի պատմել: Համաձայն պորտալի տվյալների` ոստիկանությանը հաջողվել է պարզել, որ նախկինում ձերբակալվածը բուժում է անցել հոգեբուժարանում:
Հուլիսի 15-ին Ֆրանսիայի նախագահ Ֆրանսուա Օլանդը Ելիսեյան պալատում չի եղել: Դեռ հայտնի չի հանցագործն այդ մասին տեղյակ է եղել, թե ոչ:
Պատահարի հետ կապված՝ Օլանդի պահպանությունն ուժեղացվել է: Ոստիկանությունը չի բացառում, որ Ելիսեյան պալատի վրա հարձակումը կարող էր կապված լինել Բաստիլիայի գրավման օրվա հետ:
