Իսրայելը պատրաստ է արաբական աշխարհում բոլոր տեսակի զարգացումներին, որոնք կհետևեն Եգիպտոսում և Թունիսում տեղի ունեցած հեղափոխություններին: Այս մասին երկուշաբթի օրը հայտարարել է Իսրայելի վարչապետ Բենյամին Նաթանյահուն:
The Jerusalem Post-ը հայտնում է, որ Նաթանյահուն անցած ամիս Մերձավոր Արևելքում տեղի ունեցածն անվանել է «երկրաշարժ»: Նա նաև կարևորել է Եգիպտոսում Մուբարաքի հրաժարականից հետո եգիպտա-իսրայելական խաղաղության պայմանագրի դրույթների պահպանումը:
Հիշեցնենք, որ թեպետ իսրայելական կառավարության անդամները չէին մեկնաբանում Եգիպտոսում տեղի ունեցող դեպքերը, սակայն այդ երկրում մեծ մտահոգություն կար Հոսնի Մուբարաքից հետո հաստատվող իշխանության և Իսրայելի կառավարության միջև ապագա համագործակցության առնչությամբ:
Իսրայելի արտաքին գործերի նախարարի տեղակալը միայն հայտարարել էր, որ իրենք ծափահարում են Եգիպտոսի ժողովրդին, որը ձգտում է ժողովրդավարության, սակայն զգուշացրել էր, որ հնարավորինս զերծ մնան արտաքին ազդեցություններից` նկատի ունենալով Թեհրանին:
