Գերմանական զբոսաշրջային պորտալը բաց հարցում է անցկացրել՝ պարզելու, թե տանից հեռու ինչ մեղքեր են հակված գործելու քաղաքացիները:
Հարցման արդյունքներով՝ բազմաթիվ գերմանացիներ արձակուրդի ժամանակ լիցքաթափվում են՝ շնորհիվ անճանաչելիության և անպատժելիության երևակայական զգացողության: Այս մասին հաղորդում է Euromag-ը:
Կանանց 12 և տղամարդկանց 14 տոկոսը խոստովանել է, որ հանգստի ժամանակ իրենց չեն ծանրաբեռնում զուգարան փնտրելու հոգսով և նույնիսկ երբեմն աղտոտում են հասարակական օգտագործման ավազանների ջուրը: Այս թերությունը գլխավորել է վատ արարքների վարկանիշային աղյուսակը` որպես ամենատարածված երևույթ:
Դրան հաջորդում են ամուսնական դավաճանությունները: Կանանց 6 և տղամարդկանց 12 տոկոսը հայտարարել է, որ արձակուրդներին սիրավեպեր են ունեցել: Դրան հակված են 40-50 տարեկան մարդիկ, իսկ մինչև 29 տարեկան երիտասարդների 9 տոկոսի մոտ գրանցվել են արձակուրդային հարաբերություններ:
Իսկ ահա որոշ զբոսաշրջիկներ օտար երկրներում իրենց այնքան վստահ են զգում, որ չեն ամաչում օրենք խախտել:
Հարցված կանանց և տղամարդկանց մի մասը հաղորդել է, որ օտար երկրների խանութներից մանր գողություններ են կատարել: Տղամարդկանց 11 և կանանց 3 տոկոսին հաջողվել է կյանքում գոնե մեկ անգամ ինչ-որ փոքր բան գողանալ խանութներից կամ չվճարել ծառայությունների դիմաց:
