«Փոփ» երաժշտության արքա Մայքլ Ջեքսոնի հայրը այսօր Վիետնամի հարավում դրել Հարավ-արևելյան Ասիայի խոշորագույն Happyland տուրիստական կենտրոնի հրապարակի շինարարության առաջին քարը: Ինչպես հաղորդում է РИА Новости-ն` հղում անելով Frans Press գործակալությանը` կենտրոնի շինարարության արժեքը կազմում է մոտ 2 միլիարդ դոլար:
Ծրագրի մեկնարկման հանդիսավոր արարողությանը 82-ամյա Ջո Ջեկսոնը հայտարարել է, որ մտադիր է շարունակել իր որդու առաքելությունը, որն ապրել է, որպեսզի տա մարդկանց երջանկություն և «երջանկացնի Վիետնամի ժողովրդին»:
«Ես ուզում եմ այս ծրագրի վրա ուշադրություն հրավիրել, որպեսզի մեր ընկերները ողջ աշխարհում կարողնան ավելի լավ հասկանալ Ձեր երկիրը»,- ասել է Ջո Ջեկսոնը: Happyland հինգաստղանի հյուրանոցի շինարարության մեջ նա որոշակի գումար է ներդրել:
Վիետնամական կողմի հաշվարկների համաձայն Happyland համալիրի շինարարությունը կավարտվի 2014թ.: Նախատեսվում է, որ այս համալիրը տարեկան ընդունելու է 14 մլն այցելու, այդ թվում` 3 միլիոն օտարեկրյա զբոսաշրջիկների:
