Վերջին շրջանում քաղաքական օրակարգում հիմնականում շրջանառվում են միայն ԲՀԿ-ի և ՀՀԿ-ի անունները։ Հետևաբար փորձեցինք ՀՀԿ ԱԺ պատգամավոր Հովհաննես Սահակյանից պարզել, թե ստեղծված իրավիճակն ինչով է պայմանավորված։
Նրա խոսքերով, ընդդիմությունը 2009թ-ից քաղաքական օրակարգում մասնակցում է` ամեն ինչ սևացնելով` «Ամեն ինչ վատ է», «Ոչ մի բան չի արվում այս երկրի համար» և այլ կարգախոսներով։
«Իմ կարծիքով, որպեսզի ընդդիմությունը վերադառնա քաղաքական դաշտ, օրակարգի մաս կազմի և ձևավորողը լինի այդ օրակարգի, ուրեմն պետք է որոշակի փոփոխություններ մտցնի նախևառաջ իր գործելաոճի և այդ օրակարգի ռեալիզացիայի մեջ։
Արդեն 2-3 տարի է` հատկապես ամռան գեղեցիկ, տաք օրերը չի օգտագործում ազգաբնակչության հետ չի հանդիպումներ կազմակերպելու համար, ինչը անում է ՀՀԿ, սակայն այդ ամենի մասին չի բարձրաձայնում։
Ընդամենը 1-2 հանրահավաք գրեթե նույն հռետորիկան և նույն կոչերը, նույն ոճաբանությունը։ Իսկ այս ամենը գալիս է նրանից, որ հստակ մարտավարություն և ծրագիր չունի։ Բացի այդ, ընդդիմությունը իրենց միջի տարածաձայնությունների արդյուքնում իրենք իրենց թուլացնում են»,- նկատեց Հովհաննես Սահակյանը։
