Իսլամական ծայրահեղական խմբավորման գրոհայինները, որոնք վերահսկում են Մալիի հյուսիսը, կազմակերպել են ցուցադրական ճիպոտահարում` տեղի բնակիչներին ահաբեկելու նպատակով: Այս մասին հաղորդել է Associated Press-ը:
Գունդամ քաղաքի բնակիչների շրջանում ուրբաթ օրը դժգոհության ալիք էր բարձրացել այն բանից հետո, երբ իսլամիստներից մեկը ծեծել էր մի կնոջ «ոչ պատշաճ» հագուստի պատճառով: Ընդ որում` տուժել էր նաև կնոջ հետ գտնվող երեխան:
Դեպքից զայրացած բնակիչները շարժվել են իսլամիստների բազայի ուղղությամբ, փորձել են հարձակում գործել շենքի վրա:
«Անսար ադ-Դին» իսլամիստական խմբավորման անդամները, տնից տուն անցնելով, ճիպոտահարել են մարդկանց` փնտրեով բողոքի ակցիայի մասնակիցներին:
