Այսօր՝ հուլիսի 14-ին, ավտովթար է տեղի ունեցել Արագածոտնի մարզում:
Ֆոտոլրագրող Գագիկ Շամշյանը, News.armeniatv.com-ին հայտնել է, որ ժամը 09.00-ի սահմաններում Կոտայքի մարզի Բյուրեղավան քաղաքի բնակիչ 58-ամյա Էդվարդ Բաբայանը, վարելով «ԳԱԶ -24» մակնիշի 63 ՕԼ 174 համարանիշի ավտոմեքենան, Ապարան քաղաքի «Գնթունիք» սուպերմարկետի մոտ դուրս է եկել ճանապարհից, մայթն անցել և ընկել փոսը:
Վթարի արդյունքում վարորդը և 25-ամյա Ռուբեն Բաբայանը, 16-ամյա Էրիկ Մուսայելյանը, 18-ամյա Մերի Ծուղունյանը, 54-ամյա Նվարդ Ծուղունյանը, 47-ամյա Զարդարիկ Ծուղունյանը տեղափոխվել են Ապարանի բժշկական կենտրոն:
Դեպքի վայր է ժամանել 1-03 շտապբուժօգնության բրիգադը: Դեպքի վայր են ժամանել նաև 2-րդ սպայական գումարտակի 2-րդ վաշտի 1-ին դասակի աշխատակիցները:
Դեպքի վայրում քննչական աշխատանքները ղեկավարել է Ոստիկանության քննչական գլխավոր վարչության Արագածոտնի քննչական բաժնի Ապարանի քննչական բաժանմունքի քննիչ Սիրեկան Պողոսյանը:
Քննիչի հանձնարարականով վթարի ենթարկված ավտոմեքենան տեղափոխվել է Ոստիկանության Ապարանի բաժնի տուգանային հրապարակ:
Գ. Շամշյանը հայտնել է նաև, որ հիվանդանոց տեղափոխվածների վիճակը գնահատվում է կայուն ծանր:
