Ինչպես հաղորդում է France Presse գործակալությունը, Ճապոնիան ԱՄՆ-ից հետո աշխարհի երկրորդ տնտեսությունը լինելու «պատվավոր» կոչումը զիջել է մեծ թափ առնող չինական տնտեսությանը:
2010 թ. տվյալներով` Ճապոնիայի ՀՆԱ-ն կազմել է 5.474 տրլն դոլար, իսկ չինականը` 5.879 տրլն: Եթե ճապոնական տնտեսությունն առաջին անգամ վերջին երեք տարվա մեջ աճեց 3.9%-ով, ապա Չինաստանն արձանագրեց հերթական ռեկորդը` 10.3%: Նշենք սակայն, որ ՀՆԱ-ի` մեկ շնչին ընկնող հաշվարկով Ճապոնիան 10 անգամ առաջ է Չինաստանից: Չինաստանում մեկ շնչին ընկնում է 4.5 հազար դոլար, իսկ Ճապոնիայում` 40.000:
Ինչպես կանխատեսում են BBC-ի փորձագետները` եթե Չինաստանն այս տեմպերով շարունակի զարգանալ, ապա առաջիկա տասը տարվա ընթացքում կարող է շրջանցել նաև տասնյակ տարիներ առաջին հորիզոնականը զբաղեցնող ԱՄՆ-ին: