Յակուտիայի մշակույթի նախարար Անդրեյ Բորիսովը հայտարարել է, որ ռեժիսոր Ջեյսմ Քեմերոնի «Ավատարը» ֆիլմի սյուժեն փոխառնվել է յակուտական «Օլոնհո» էպոսից: Այս մասին հաղորդում է Interfax-ը:
Էպոսում իրադարձությունների կիզակետում Սուրբ ծառն է: Էպոսի հիմնական կերպարները այի ցեղախմբի հարուստներն են, որոնք տարբեր փորձությունների միջով են անցնում` պաշտպանելու հարազատներին ու ցեղակիցներին: 2005 թվականին UNESCO-ն էպոսն ընդգրկել է մշակութային ժառանգության ոչ նյութական արժեքների պահպանության ցուցակում:
«Ավատարը» ֆիլմում իրադարձությունները զարգանում են Պանդորա մոլորակում, տեղի բնակչությունը նույնպես շփվում է Սուրբ ծառի հետ, որում իբրև թե փակված է Էյվա աստվածամոր հոգին:
«Դեռևս 20 տարի առաջ ես պնդում էի, որ մենք պետք է զարգացնենք կինոարդյունաբերությունը, այլապես ամերիկյան կինեմատոգրաֆիստները ֆիլմեր կնկարահանեն մեր խորիմաստ էպոսների հիման վրա: Քեմերոնի հայտնի «Ավատարը» նկարահանվել է «Օլոնհո» էպոսի մոտիվներով»,- ասել է Բորիսովը:
«Ավատարը», որում նկարահանվել են Սեմ Ուորթինգթոնը, Զոի Սալդանան, Սիգուրնի Ուիվերը, Միշել Ռոդրիգեսն ու Ջովանի Ռիբիզին, վարձույթ է դուրս եկել 2009-ին: Մինչ օրս ֆիլմը հավաքել է 2,7 միլիարդ դոլար: Նախկինում զուգահեռներ են անցկացվել ֆիլմի և Պոկոհոտասի մասին հնդկական լեգենդի միջև:
