Սիրիական ընդդիմադիրների պատվիրակություը, որը ռուսական ղեկավարության հետ խորհրդակցության համար հուլսի 11-ին ժամանել է Մոսկվա, հայտարարել է բանակցությունների ձախողման մասին, հաղորդում է Inter Fax-ը:
«Եկեք անկեղծ լինենք: Մենք չպետք է թաքնվենք ճշմարտությունից: Եթե Ռուսաստանի կողմից չլիներ քաղաքկան, մշակութային, բարոյական և ռազմական աջակցությունը, ապա սիրիական վարչակարգը չէր կարողանա շարունակել իր քաղաքականությունը`ուղղված սիրիական ժողովրդի դեմ»,- բանակցություններից հետո մամլո ասուլիսի ժամանակ հայտարարել է Սիրիական ազգային խորհրդի գործադիր հանձնաժողովի անդամ Բուխրան Գալուինը:
«Մենք մերժում ենք ռուսական այդպիսի քաղաքականությունը: Ինչ դիմակներ էլ որ այն հագնի, դա վարչակարգին սատարելու քաղաքականություն է, որը բռնությանը շարունակվելու հնարավորություն է տալիս»,- հստակեցրել է նա:
Ընդդիմադիրի խոսքերով՝ նախագահ Բաշար Ասադը զգում է, որ կարող է շարունակել սպանությունները, զգում է որ իր թիկունքում կանգնած են Իրանն ու Մոսկվան:
Սիրիական ազգային խորհրդի ղեկավարն էլ իր հերթին հայտարրել է, որ հակամարտության լավագույն լուծումը կլինի, եթե հակամարտությանը միջազգային միջամտություն լինի: Հակամարտությունը խաղաղ ճանապարհով լուծելու առանցքային պայմանը նա անվանել է Ասադի հրաժարականը: Ընդդիմության առաջնորդի խոսքերով՝ առանց այդ պահանջը կատարելու բանակցությունների մասին խոսք անգամ լինել չի կարող, սակայն Մոսկվան դա չի հասկանում և չի փոխում իր դիրքորշումը:
ՌԴ ԱԳ նախարար Սերգեյ Լավրովն ի պատասխան հայտարարել է, որ խաղաղության կարելի է հասնել միայն սիրիական ընդդիմության և իշխանության միջև առանց որևէ նախապայանի երկխոսության դեպքում:
