Լիբիայի նավթային արդյունաբերության նախկին նախարար Շուքրի Ղանեմը մահացել է սեփական մահով: Այս մասին հաղորդում է Reuters-ը՝ վկայակոչելով ավստրիական ԶԼՄ-ները: Ավելի վաղ կասկած կար, որ 69-ամյա Ղանեմը սպանվել է, սակայն հետո ոստիկանությունը հերքեց այդ տարբերակը:
Ղանեմի մարմինը հատանաբերվել է 2012թ. ապրիլի 29-ին Վինենայում՝ Դանուբի վրա՝ իր տնից ոչ հեռու: Մարմնի վրա բռնության հետքեր չեն եղել: Ուսումնասիրելով հետաքննության տվյալները՝ Ավստրիայի ոստիկանությունը եկել է այն եզրակացության, որ Ղանեմը սրտի նոպա է ունեցել, ընկել գետը և խեղդվել:
Այնուամենայնիվ, Ղանեմի մահվան գործով հետաքննությունն ավարտված չէ: Կատարվածի ընդհանուր պատկերը տալու համար Ավստրիայի դատախազությունի պատրասրվում է պարզել, թե կյանքի վերջին օրերին ում հետ է շփվել Ղանեմը, և ինչ իրադարձություններ են նախորդել մահվանը:
Շուքրի Ղանեմը Մուամար Քադաֆիի օրոք եղել է Լիբիայի նավթային արդյունաբերության նախարարը: 2011թ. մայիսին քաղաքացիական ապստամբության օրերին Ղանեմն անցավ ընդդիմության կողմը և լքեց երկիրը: 2011թ. ամռանից նա ապրում է Եվրոպայում:
