Կիպրոսը մտավախություն ունի Սիրիայից փախստականների հոսքի կապակցությամբ, սակայն մինչև 200 հազար մարդ ընդունելու ծրագիր է պատրաստել: Այս մասին երեքշաբթի օրը հայտարարել է եվրոպական գործորով փոխնախարար Անդրեաս Մավրոյանիսը:
«Մենք չգիտենք, թե ինչ տեղի կունենա Սիրիայում, բայց մենք հաշվի ենք առել, որ Կիպրոս կարող է ժամանել մինչև 200 հազար մարդ»,- մեջբերում է Մավրոյանիսի խոսքերը Կիպրոսի պետական հեռուստատեսությունը:
Նշենք, որ Կիպրոսի բնակչությունը մոտ 800 հազար է:
Փոխնախարարի խոսքերով` Կիպրոսն օգնության կարիք կունենա, եթե կղզի ժամանեն այդ քանակությամբ փախստականներ:
Սիրիական ծովափերից կիպրոսյան նավահանգիստներ հեռավորությունը կազմում է մոտ 100 ծովային մղոն: Կիպրոսը 2006թ. արդեն ընդունել է փախստականների, ովքեր լքել էին Լիբանանը Իսրայելի բանակի և «Հըզբոլլահի»- միջև տեղի ունեցող ռազմական բախումների պատճառով:
