Լյուքսեմբուրգի վարչապետ Ժան Կլոդ Յունկերը շարունակելու է ղեկավարել Եվրախումբը։ Նրա մանդատը երկարաձգվել է ևս 2.5 տարով։ Այս մասին հաղորդում է Associated Press գործակալությունը։
Նրա ներկայիս մանդատի ժամկետը լրանում էր հուլիսի կեսին։
Ավելի վաղ գերմանական մամուլը գրել էր, որ այս պաշտոնում Յունկերին կարող են փոխարինել Գերմանիայի ֆինանսների նախարար Վոլֆգանգ Շոբլեն և նրա ֆրանսիացի գործընկեր Պյեր Մոսկովիսին։
Ֆրանսիացի լրագրողները նույնիսկ պարզել էին, որ Ֆրանսիայի նախագահ Ֆրանսուա Օլանդն իր համաձայնությունն է տվել Գերմանիայի նախարարին այդ պաշտոնում նշանակելու համար, սակայն անհայտ է, թե ինչու եվրոպական ոչ պաշտոնական կառավարության ղեկավարի պաշտոնը կրկին ստանձնեց Լյուքսեմբուրգի վարչապետը:
