Իրանական ISNA լրատվական գործակալության փոխանցմամբ՝ Օմանում գտնվող Իրանի փոխարտգործնախարար Հոսեին Ամիր Աբդոլահիանը լրագրողների հետ զրույցում հայտարարել է, որ Սիրիան չի կարող պաշտպանել իրեն՝ առանց Իրանի կամ մեկ այլ երկրի օգնության:
Նա հավելել է, որ Քոֆի Անանի պլանի իրագործման համար ժամանակ է անհրաժեշտ: Նա նաև մի շարք երկրների մեղադրել է Սիրիայում առկա ճգնաժամային վիճակն իրենց շահերին ծառայեցնելու մեջ:
Աբդոլահիանն Օման է այցելել օգոստոսի վերջին Թեհրանում կայանալիք Չմիավորման շարժում կազմակերպության գագաթնաժողովին մասնակցելու հրավեր անելու համար: