Ռուբեն Հայրապետյանն ամենաանկեղծ ելույթն ունեցավ երեք օր առաջ: Այսօր լրագրողների հետ հանդիպման ժամանակ ասաց ԱԺ պատգամավոր, վաստակավոր արտիստ, երգչուհի Շուշան Պետրոսյանը՝ անդրադառնալով հունիսի 17-ին «Հարսնաքար» ռեստորանային համալիրում տեղի ունեցած դաժան իրադարձությանը: Նա ասաց, որ տեղի ունեցածը գնահատելու համար գնահատման թիվ չկա: Շուշան Պետրոսյանը դրական գնահատեց միջադեպից հետո բարձրացված հասարակական աղմուկը:
«Այդ մարդն իր ամենաանկեղծ ելույթն ունեցավ երեք օր առաջ, մենք Տեր Աստված չենք, մենք չենք դատավորները, մեր Աստված ամենավերջին սրիկային անգամ ապաշխարելու հնարավորություն է տալիս, այդ մարդը հայտարարություն արեց շատ հուզական: Եկեք կառչենք և հույս փայփայենք, որ լուսահոգին կլինի վերջինը»,- ցավով ասաց Շուշան Պետրոսյանը:
Անդրադառնալով օլիգարխների թիկնազորին՝ ասաց, որ թիկնապահների առկայությունը չի հասկանում ոչ մի կերպ: Երգչուհին նշեց, որ չունի և դժվար թե ունենա թիկնապահ: «Մեր նախագահի մասին կարող եմ ասել, ես երբևէ չեմ տեսել, որ իր կողքին թիկնապահն իրեն ավելորդություն թույլ տա: Գործարար ես, հալալա քեզ, թիկնապահ ինչո՞ւ ես պահում: Գերագնահատում են իրենց»,- նկատեց Շուշան Պետրոսյանը:
