Ռուսաստանի ծանրամարտի ֆեդերացիայի նախագահ Սերգեյ Սիրցովը հարապարակեց երկրի ծանրամարտի հավաքականի կազմը, որը հանդես կգա Լոնդոնի Օլիմպիական խաղերում:
Կանանց հավաքականի 69կգ քաշային կարգում հայտավորված է Օքսանա Սլիվենկոն, ով այդ քաշային կարգի ֆավորիտներից մեկն է (ակամայից հիշում ես Նազիկ Ավդալյանի փայլուն հաղթանակը Սլիվենկոյի նկատմամբ): Իսկ գերծանր քաշայինների պայքարում ֆավորիտների թվում է Տատյանա Կաշիրնան` աշխարհի ռեկորդակիրը: Սակայն այս քաշային կարգում չեմպիոնի հավակնորդ է նաև Չինաստանը ներկայացնող Զու Լուլուն, ով հրում վարժությունում գերազանցեց Կաշիրինայի ռեկորդը: Այստեղ մեր գերծանր քաշային Հռիփսիմե Խուրշուդյանը լուրջ հակառակորդներ ունի:
Հիշեցնենք, որ ավելի վաղ հայտնի էր դարձել ծանրամարտի Հայաստանի հավաքականի կազմը, որը կմասնակցի Լոնդոնի 2012 թվականի Օլիմպիական խաղերին։ Լոնդոն կմեկնեն՝ Առաքել Միրզոյանը (69 կգ), Տիգրան Մարտիրոսյանը (77 կգ), Արա Խաչատրյանը (85 կգ), Նորայր Վարդանյանը (94 կգ), Վանիկ Ավետիսյանը (69 կգ, պահեստային)։
Կանանց հավաքականում են՝ Մելինե Դալուզյանը (69 կգ), Հռիփսիմե Խուրշուդյանը (75+ կգ), Իզաբելլա Յայլյանը (56 կգ, պահեստային):
