Ռուսաստանից, Չինաստանից ու Բրազիլիայից հարուստ ճանապարհորդների աճող թվաքանակը հանգեցրել է աշխարհի խոշորագույն օդանավակայաններում լյուքսային բրենդների վաճառքների ավելացմանը: Այս մասին հայտնում է բրիտանական The Guardian-ը` հղում կատարելով շվեդական Generation Research հետազոտություններին:
Հարուստ զբոսաշրջիկներին գրավում է անկաշկանդ միջավայրն ու ապրանքներն առանց մաքսատուրքի ձեռք բերելու հնարավորությունը, նկատում է հրատարակությունը:
Հետազոտությունների տվյալներով` օծանելիքի, կոսմետիկայի ու պերճանքի իրերի վաճառքի ծավալները duty free-ի խանութներում վերջին 3 տարում աճել են 28 տոկոսով:
Վերլուծաբանները կանխատեսում են մոտակա 2 տարում վաճառքի ծավալների աճ ևս 25 տոկոսով:
Generation Research-ում նկատում են, որ օդանավակայաններում ավելի շատ են սկսում հայտնվել լյուքսային խանութներ:
Օդանավակայաններում իրենց ցանցը ընդլայնելու մտադրության մասին են հայտնել այնպիսի ապրանքանշաններ, ինչպիսիք են Tiffany & Co-ն, Estée Lauder-ն ու Louis Vuitton-ը:
