Բելառուսի ԱԳՆ-ն Եվրոպական խորհրդարանի` հուլիսի 5-ին ընդունած բանաձևը համարում է քաղաքական պատվեր: Այս մասին, RIA Novosti-ի փոխանցմամբ, ասվում է նախարարության մամլո ծառայության` երեկ տարածած մեկնաբանության մեջ:
Եվրախորհրդարանի բանաձևում Բելառուսը քննադատվում է ԶԼՄ-ների անազատության, ընդդիմությանը հետապնդելու, լեհ րագրող Անդրեյ Պոչոբուտի նկատմամբ քրեական հետապնդում իրականացնելու համար, ով մեղադրվում է Լուկաշենկոյի հասցեին չարախոսելու համար:
«Եվրախորհրդարանի բանաձևի հայտնվելը Բելառուսի համար կարևոր ներքաղաքական իրադարձության` խորհրդարանական ընտրությունների նախօրեին չի կարելի գնահատել այլ կերպ, քան քաղաքական պատվեր այն ուժերի կողմից, որոնք հետաքրքրված չեն Բելառուսի հետ բարիդրացիական հարաբերություններով»,- ասվում է փաստաթղթում:
«Չնայած Եվրախորհրդարանի նման ոչ կառուցողական մոտեցումներին` Բելառուսը հաստատում է ԵՄ-ի ու նրա անդամ-երկրների հետ փոխադարձ գործընկերային հարաբերությունների հաստատումը փոխադարձ հարգանքի ու հավասարության սկզբունքների հիման վրա»,- ասվում է մեկնաբանությունում:
