Այսօր The Guardian օրաթերը գրել է, որ կայացրել Մեծ Բրիտանիայի Մամուլի դեմ ուղղված բողոքներն ուսումնասիրող հանձնաժողովը կայացրել է որոշում, համաձայն որի` Twitter-ը համարվում է շփման հրապարակային միջոց` դրանով արդարացնելով The Daily Mail և Independent թերթերին:
Բանն այն է, որ թերթերի դեմ բողոք էր ներկայացրել երկրի Տրանսպորտի վարչության աշխատակից Սառա Բասքերվիլը, որը մեղադրում էր թերթերին իր անձնական «թվիթերը» (Twitter-ում գրված հաղորդագրությունները) իրենց հրապարակումներում օգտագործելու համար: Բասքերվիլը նշել էր, որ դրանք մեկնաբանվել են կոնտեքստից դուրս, և խեղաթյուրվել է դրանց իմաստը:
Հանձնաժողովն իր որոշումը կայացնելիս նշել է, որ քանի որ սոցիալական ցանցերի ազդեցությունը և կարևորությունը մեծանում են, ապա այս որոշումը պետք է լինի նախադեպային, իսկ սոցիալական ցանցերում գրված հաղորդագրությունները` հրապարակայնորեն օգտագործման ենթակա:
Թերթերը և հեռուստաընկերությունները վերջին շրջանում մեծ ուշադրություն են դարձնում սոցիալական ցանցերում գրված հաղորդագրություններին, իսկ որոշ հեռուստաընկերություններ դրանք երբեմն օգտագործում են որպես սկզբնաղբյուր: Դրա հետևանքով քիչ հայտնի մարդիկ շատ կարճ ժամանակահատվածում կարող են մեծ ժողովրդականություն վայելել, միայն այն պատճառով, որ CNN-ը ցիտել է Twitter-ում գրված նրա հաղորդագրությունը:
Մնում է միայն խորդուրդ տալ, որ եթե դուք գրում եք սոցիալական ցանցերում, ապա իմացե՛ք` ձեր գրածը կարող է օգտագործվել ձեր դեմ: