«Թեև ամառ է, և քաղաքական կյանքն էլ գրեթե մարում է՝ սեպտեմբերին ողջ թափով վերսկսվելու ակնկալիքով, բայց պարզվում է՝ ամեն ինչ վերջացած չէ»,- գրում է «Երկիր»-ը և հավելում.
«Քաղաքական դաշտում զարգացումներ կլինեն նաև օգոստոսին՝ իհարկե, ԶԼՄ-ների աչքից հեռու, իսկ որ ամենակարեւորն է՝ ո՛չ Աժ-ում կամ կառավարությունում, ո՛չ քաղաքական գործիչների օֆիսներում, ո՛չ էլ պետական որևէ այլ կառույցում:
Պարապ չեն մնալու հատկապես ՀՀԿ-ական գործիչները:
Մեր տեղեկություններով` նրանք այս ընթացքում փորձելու են քեֆի կամ պարզապես սուրճի սեղանի շուրջ ընկերական, մտերմիկ հարաբերություններ հաստատել հատկապես 4-րդ գումարման ԲՀԿ-ական պատգամավորների հետ, որոնց մի մասը պատգամավոր չդառնալու պատճառով ԲՀԿ-ից նեղացած է, մի մասն էլ, թեև այնքան էլ նեղացած չէ, բայց կուսակցության հետ նախկին հարաբերությունները չեն, և այս հանգամանքը ՀՀԿ-ն բաց չի ուզում թողնել»:
