«ՀԱԿ հանրահավաքի ժամանակ Արամ Մանուկյանն ասել էր, որ իրենք պառլամենտում չեն երդվել «գողերի առաջ, չընտրվածների առաջ, մենք երդվում ենք ժողովրդի առաջ», և Ազատության հրապարակում կարդացել էր պատգամավորի երդման տեքստը, ու երդվել էին»,- գրում է «Հրապարակ»-ը և հավելում.
«Սակայն դա ընդամենը թատերական ժեստ է եղել, քանի որ ՀԱԿ ներկայացուցիչները խորհրդարանում Հովիկ Աբրահամյանի երդման տեքստը կարդալուց եւ «երդվում եմ» ասելուց հետո երդվել են դահլիճում, ինչը լրագրողական օթյակից շատ հստակ երևացել է: Ի դեպ, դա արձանագրված է նաև «parliament.am» կայքում՝ հունիսի 20-ի նիստի ուղիղ հեռարձակման հոլովակում»:
